تفوسيخة بيض الحمام للتقاف

 تفوسيخة بيض الحمام للتقاف

طريقة صحيحة باش بيضة الحمام طرطق وتفركع لفك تقاف للزواج

ناخدو بيض الحمام نغسلوها بماء الزهر دهنيه بالعسل والعرعار وزيدي الحرمل في المحمر والفاسوخ البيض وحطو عليها الفاخر فوق البضة باش طرطق ضروروي خاصها طرطق باش يتفك التقاف المهم مع الوقفة وتكوني ما لابسة والو غير بيجامة دماماك من بعد ما طرطق البيضة  نزيدو السرغينة تكون باتت بالزعفران شعرة وماء الزهر غادي ترتاحو بزاف مالي ديروها الى جربتها تدعي لي وخا عارفة جتى واحد مغتدعي.

تفوسيخة بيض الحمام وحكايتي معا التفوسيخة

وصفات جدتي المغربية المجربة :تفوسيخة ببيض الحمام مجربة ايفيكاس

السلام عليكم البنــــــــــــــــــــــــات شخباركم مزيانين أوموركم هانية نتمنة من الله كلشي يكون مزيان

البنات كنت درت التفوسيخا ديال التصويرة 3 أيام فاليل منين كنت غادا نرمي الماء فالجردة وانا راجعة أنا وصاحبتي حليت الماكانة لي فالدرب باش نسيقو ونا لقا فيها فردة ديال الصباط ديال شي راجل غير فردة قيستها ههههههههه هي جات قدي ههههههههههههه الموهيم شوية ونا نقول هادا فال التفوسيخة و بدات صاحبتي كتزغرت هههههه طلعتو للدار.
ونهار الجمعة من ورا العشاء درت البيضة ديال الحمام غسلتها وبماء زهر و درتها فالعشل و مرمدتها فالعرعار و السانوج ودرتها فوسط المجمر ومنين بغات تطرطق بدات كتصفـــــر بجججججججههد وطرطقات أوا ندت نعست حيت جاني النعاس الغد النهار الموالي مخرجتش من الدار أ فالليل خرجت نتسخر ونا لقا ديك الفردة ديال الصباط لي كنت لقيت فاش درت التفوسيخة ديال التصويرة هههه شديتها و قلت الله هادا فال التفوسيخة صـــــــــــافي هادي كمالت الراجل طلعتها للدار ونا نسول ماما قلت ليها فيناهية الفردة ديال الصباط لي لقييت ديك النهار أو هيا تقولي رميـــــــتها هههههههههههه و قالت لي عنداكي تكوني لقيتيها وطلعتيها تاني ههههههههههههه وبديت كنموووت بالدحك قاتلت راني عطيتها لختك تلوحها فالدرب درت بحال نعالة ديال حديدان ههههههههههههههههههههه و اااااو شحال دحك و مرديتش نقوليها راني جبتها تاني وشديتها وخبعتها
السآل دابا : أنا شنو غادي ندير بديك الفردة واش نخليها حتا لقا مولاها بحال صباط سندرلا هههههههههههه ياكو هادا ماكان.
تفوسيخة ديال بيض الحمام

وصفات جدتي المغربية المجربة : تفوسيخة بيض الحمام للسحر والعكس

بيضة لحمام + اللميعة + العرعار + الفاسوخ الوسقي + ام الناس + شوية الزعفران الحر + 7 لحجار تاع الفك يكونو صغار + الخزامة الزرقا
تاخدوبيضة لحمام ترونوها فاللميعة وديروها فالعرعار ولخزامة وشوي د زعفران وتحطوها فمجمر شاعل مزيان وتزيدو عليها ام الناس والفاسوخ وحجار الفك ونتوما كتقراو المعودات واية الكرسي والفاتحة والاخلاص وتصلوا على النبي وتصبرو حتى تطرطق البيضة راه والله حتا وزينة وكتزول االعكس والسحر ديروها مع الوقفة تاع الجمعة .

طريقة دفن بيض الحمام لتفسيخ السحور والعكوس

وصفات جدتي المغربية المجربة :‫تفوسيخة مجربة لجميع انواع السحر و المس و العين و الحسد

البنات اللى مادين ايديهم الحناء هادى طريقة صحيحة لاستخدام بيض الحمام فى البخور لفك تقاف الزواج

خصكوم تعرفوان بيض الحمام الا ماتفركعات مزبان راه ماعندها حتى فائدة

ادن غادى تجيبو بيض الحمام ليلة الجمعة ودهنوه بالعسل الحر +اللوبان الحر

نهار الجمعة مع الوقفة غادى تجيببو مجمر وتردمو فيه بيضة الحمام فى الرماد وتحطو عليه فحم شاعل

وغادى توقفى عليه وتسناى حتى اوصلها الصهد وغادى تسمعيها تفركعات بجهد


هاكا النحس اللى عليك كيزول نهائيا


غادى تككرى العملية 3 جمعات بنفس الطريقة

الله اسخر

وصفات جدتي المغربية المجربة :لزواج البنت المعطلة عن الزواج

وصفات جدتي المغربية المجربة :الشمعة لي خلاتو يعيط مع الخمسة ديال الصباح من بعد 3 شهور ديال الفراق

وصفات جدتي المغربية المجربة :تفوسيخة لقطع اي جن ملبس بالجسم او تابع